ის მოვლენები, რასაც ახლა ჩვენ საქართველოში ვხედავთ, არ მიდის იმ მიმართულებით, საითაც კანდიდატი ქვეყანა უნდა მიდიოდეს,- ამის შესახებ ევროკავშირის უმაღლესმა წარმომადგენელმა საგარეო საქმეთა და უსაფრთხოების საკითხებში, კაია კალასმა ბრიუსელში, ევროკავშირის საგარეო საბჭოს შეხვედრის დაწყებამდე, ჟურნალისტებს განუცხადა.

როგორც კაია კალასმა აღნიშნა, დღევანდელ შეხვედრაზე საქართველოსთან დაკავშირებით სანქციებზე და ასევე უვიზო მიმოსვლის შეზღუდვაზე ისაუბრებენ.

„ის მოვლენები, რასაც ახლა ჩვენ საქართველოში ვხედავთ, არ მიდის იმ მიმართულებით, საითაც კანდიდატი ქვეყანა უნდა მიდიოდეს. ამიტომ, ჩვენ ვაპირებთ, განვიხილოთ რა შედეგები მოჰყვება საქართველოს ხელისუფლებისთვის ოპოზიციის წინააღმდეგ რეპრესიების გამოყენებას და ყველა იმ ინსტრუმენტს, რომელსაც იქ იყენებენ. რა შეგვიძლია, გავაკეთოთ ევროპის მხრიდან. ერთი საკითხია, რა თქმა უნდა, სანქციები და მეორე საკითხი, ასევე უვიზო რეჟიმის შეზღუდვა.

ევროკავშირიში 27 ქვეყანაა და თითოეულ მათგანს  თავის მოსაზრებები აქვს. ჩვენ შევთავაზეთ იმ ადამიანების სია , რომლებსაც სანქციები უნდა დაუწესდეთ იმისათვის, რომ ოპოზიციის წინააღმდეგ ძალადობას მიმართავენ “,- განაცხადა კალასმა.

ავტორი: ექსპრესნიუსი,

სოციალური ქსელები

კარგი იდეა მხოლოდ დასაწყისია, შეცდომების მიუხედავად არ გაჩერდე – ფოქსი ელენიკო 19 წლის საკუთარ თავს მიმართავს

ქართული ბენტონიტი მსოფლიო ბაზარზე - „ასკანგელ ალიანსი“ ინდუსტრიას თიბისისთან ერთად ავითარებს

სრული სვლით საგანძურისკენ - 200 000 მოთამაშე, 40 გამარჯვებული და ბევრი თავგადასავალი თიბისის მობაილბანკში

კობახიძე: ეუთო-ს საპარლამენტო ასამბლეა ჯო უილსონის დონემდე დავიდა, ტრაგიკული მოვლენაა