2024-12-03 22:27:06, 409 ნახვა
პოლიტიკა
პარლამენტთან მიმდინარე აქციაზე წყლის ჭავლის გამოყენება დაიწყეს
თბილისში, პარლამენტთან მიმდინარე საპროტესტო აქციაზე მომიტინგეების წინააღმდეგ წყლის ჭავლის გამოყენება დაიწყეს.
როგორც „ექსპრესნიუსის“ კორესპოდენტი ადგილიდან იტყობინება, წყლის ჭავლს საკანონმდებლო ორგანოს შიდა ტერიტორიიდან უშვებენ.
მოქალაქეები კი, მათ წინააღმდეგ პიროტექნიკას იყენებენ.
პარალელურად, საპოლიციო ძალები მობილიზებულია ჩიტაძისა და ჭიჭინაძის ქუჩებზე.
შეგახსენებთ, თბილისში, რუსთაველის გამზირზე საპროტესტო აქცია მე-6 დღეა იმართება. პროტესტი მას შემდეგ დაიწყო, რაც 28 ნოემბერს პრემიერ-მინისტრმა, ირაკლი კობახიძემ გაახმოვანა „ქართული ოცნების“ გადაწყვეტილება, რომ ევროკავშირთან მოლაპარაკებების გახსნის საკითხი 2028 წლის ბოლომდე დღის წესრიგში არ დადგება.
ავტორი: ექსპრესნიუსი,
epn.ge (@expressnews.ge)
