და მაინც გავიხსენოთ, რისთვის ხდება ეს ყველაფერი? ევროკავშირში მიგიღებთ - ოღონდ სასამართლო გაათავისუფლეთ, კორუფციას ებრძოლეთ და დეზინფორმაციით ნუ ჭყიპავთ საკუთარ მოსახლეობასო, და ამათ არაო, "ღირსებით", გაზით და ჭავლით უნდა ვიაროთო, ხალხზე უნდა ვინადიროთ და სახე დავულეწოთო, საუკეთესო რუსულ ტრადიციებში როგორცაა, ისეო!- ამის შესახებ კოალიცია „ძლიერი საქართველოს“ ერთ-ერთი ლიდერი ანა ნაცვლიშვილი სოციალურ ქსელ „ფეისბუქზე“ წერს.

ნაცვლიშვილის თქმით „ქართულ ოცნებას“ ხალხის წინააღმდეგ ომი აქვს გამოცხადებული.

„გუშინ გაზი რომ დაგვიშინეს, შუაგულში ვიდექი მეგობართან ერთად. პირველად უფრო იოლად გადავიტანე და მეორე დარტყმა მართლა საშინელება იყო. ახლაც ცუდად ვხდები რომ მახსენდება, ყველაფერი გეწვის და სხეულს ვერ აკონტროლებ, თვალში ვეღარ იყურები წვისგან, ვარაუდით მიდიხარ, საშინელი სპაზმი გეწყება და ფიქრობ, რომ არასოდეს გაივლის. მეგობარმა მიშველა, გამოვაღწიე.

ამ უბედურებაში რომ ხარ, ირგვლივ ყველა გეხვევა, თავადაც ცუდადაა, მაგრამ შენ გეხმარება, ზოგს ფიზიოლოგიური მოაქვს, ზოგი ხელსახოცს მოარბენინებს, ზოგი უბრალოდ მორბის და სანამ არ დარწმუნდება რომ კარგად ხარ, ფეხს არ იცვლის.

და მაინც გავიხსენოთ, რისთვის ხდება ეს ყველაფერი? ევროკავშირში მიგიღებთ - ოღონდ სასამართლო გაათავისუფლეთ, კორუფციას ებრძოლეთ და დეზინფორმაციით ნუ ჭყიპავთ საკუთარ მოსახლეობასო, და ამათ არაო, "ღირსებით", გაზით და ჭავლით უნდა ვიაროთო, ხალხზე უნდა ვინადიროთ და სახე დავულეწოთო, საუკეთესო რუსულ ტრადიციებში როგორცაა, ისეო!

ომი აქვთ გამოცხადებული ხალხის წინააღმდეგ“,- წერს ნაცვლიშვილი.

ავტორი: ექსპრესნიუსი,

სოციალური ქსელები

„1000 რაკეტა მზადაა“: ტრამპი, მისი მკვლელობის მცდელობის შემთხვევაში, ირანის განადგურებით იმუქრება

ზელენსკიმ რუსეთისთვის „შორი მოქმედების სარდლობის“ შექმნის შესახებ განაცხადა

ამერიკელმა სენატორები თეთრ სახლთან შეთანხმდნენ რუსეთის წინააღმდეგ „ჯოჯოხეთური სანქციების“ შესახებ კანონპროექტზე

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო