2024-12-02 15:54:11, 388 ნახვა
პოლიტიკა
ევროპარლამენტარი - ევროკავშირმა დაუყოვნებლივ უნდა დაუწესოს სანქციები მათ, ვინც საქართველოში ძალადობაზე პასუხისმგებლები არიან
ევროკავშირმა დაუყოვნებლივ უნდა დაუწესოს სანქციები მათ, ვინც პასუხისმგებლები არიან საქართველოში ძალადობაზე,- ამის შესახებ ბელგიელი ევროპარლამენტარი და ბელგიის ყოფილი პრემიერ-მინისტრი გაი ვერჰოფშტადტი სოციალურ ქსელ X-ზე წერს.
მისი თქმით, ევროპამ საუბრის ნაცვლად, დაუყოვნებლივ უნდა იმოქმედოს.
„ბალტიისპირეთის ქვეყნების შემდეგ, ევროკავშირმა დაუყოვნებლივ უნდა დაუწესოს სანქციები შინაგან საქმეთა სამინისტროსა და პოლიციის თანამშრომლებს, რომლებიც პასუხისმგებლები არიან საქართველოში ამბოხის დროს ძალადობაზე. დროა, სიტყვების ნაცვლად, ევროპამ იმოქმედოს“, - წერს ვერჰოფშტადტი.
ავტორი: ექსპრესნიუსი,
epn.ge (@expressnews.ge)
