გერმანია ადგენს ბუნკერების სიას, რომლებსაც შეუძლიათ გადაუდებელი თავშესაფარი უზრუნველყონ მშვიდობიანი მოსახლეობისთვის, რუსეთთან დაძაბულობის ფონზე იტყობინება ქვეყნის შინაგან საქმეთა სამინისტრო The Guardian-თან, .

სიაში შედის არა მხოლოდ მიწისქვეშა მეტროსადგურები და ავტოსადგომები, არამედ სამთავრობო შენობები და კერძო ობიექტები, განაცხადა სამინისტროს წარმომადგენელმა. დაგეგმილია ბუნკერებისა და თავშესაფრების ციფრული რეესტრის შექმნა, რომლებზეც მოქალაქეებს წვდომა სპეციალური აპლიკაციის საშუალებით შეეძლებათ. ადამიანებს ასევე წაახალისებენ, მოაწყონ თავშესაფრები საკუთარ სახლებში, სარდაფები და ავტოფარეხები მათში გადააკეთონ.

პროექტის განხორციელების დრო არ გამოცხადებულა, რადგან ის მოითხოვს დროსა და მონაწილეობას სამოქალაქო დაცვის სამსახურისა და სხვა დეპარტამენტებისგან. გერმანიაში ამჟამად 579 ბუნკერია, რომლებიც ძირითადად მეორე მსოფლიო ომისა და ცივი ომის დროს აშენდა.

გეგმა ივნისში მაღალი თანამდებობის პირთა კონფერენციაზე შეთანხმდა და მას სპეციალური საინიციატივო ჯგუფი ამუშავებს. მანამდე ცნობილი გახდა, რომ ესტონეთი, ლატვია და ლიტვა ქმნიან „ბალტიისპირეთის თავდაცვის ხაზს“ რუსეთის სავარაუდო შემოჭრის წინააღმდეგ, წერს The Times. მისი მთავარი ელემენტი იქნება ათასი ბუნკერი, რომელიც შეიქმნება რუსეთის, ბელორუსის და კალინინგრადის რეგიონის რუსეთის ექსკლავის საზღვრებზე.

ავტორი: ექსპრესნიუსი,

სოციალური ქსელები

Financial Times: აშშ უკრაინას რუსეთის ნავთობობიექტებზე თავდასხმებში ეხმარება

გერმანიის სამხედრო ხარჯები ცივი ომის შემდეგ უნახავ დონეს მიაღწევს

„როსატომმა“ კურსკის ატომურ ელექტროსადგურზე დრონებით თავდასხმის შესახებ განაცხადა

ISW: რუსეთის არმიის რეალური წარმატებები უკრაინაში პუტინის მიერ განცხადებულზე ხუთჯერ ნაკლები აღმოჩნდა