საქართველოს გარემოს დაცვისა და სოფლის მეურნეობის მინისტრი ოთარ შამუგია აზერბაიჯანში, ქალაქ ბაქოში მიმდინარე გაეროს კლიმატის ცვლილების მხარეთა კონფერენციის (COP 29) ფარგლებში, ქართული მხარის ინიციატივით, გარემოსდაცვითი ინტეგრირების ჯგუფის (EIG) წევრ მინისტრებს (შვეიცარია, საქართველო, სამხრეთ კორეა, მექსიკა, ლიხტენშტეინი, მონაკო) ქართულ პავილიონში შეხვდა. ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

უწყების ცნობით, გარემოსდაცვითი ინტეგრირების ჯგუფს შვეიცარია თავმჯდომარეობს.

როგორც ოთარ შამუგიამ შეხვედრაზე განაცხადა, გარემოსდაცვითი ინტეგრირების ჯგუფში მონაწილე ქვეყნებისთვის გარემოსდაცვითი მიმართულების მნიშვნელოვანი საკითხები განიხილება.

საერთაშორისო არენაზე ერთიანი პოზიციის გაჟღერება განსაკუთრებული მნიშვნელობის მატარებელია. გარემოსდაცვითი ინტეგრირების ჯგუფს აქვს შესაძლებლობები, საერთო ტრიბუნიდან წარმოადგინოს როგორც განვითარებული, ისე განვითარებადი ქვეყნების პოზიციები.

“ჩემთვის, როგორც კლიმატის პოლიტიკის განმსაზღვრელი უწყების ხელმძღვანელისთვის, მნიშვნელოვანია, საქართველოსთვის საკვანძო საკითხები გაზიარებული იყოს ჩვენი პარტნიორებისთვის; შეჯერებული ერთიანი პოზიცია  წარმოდგენილი იყოს გაეროს კლიმატის ცვლილების მხარეთა კონფერენციის სხვადასხვა ფორმატში“,- განაცხადა შამუგიამ.

შეხვედრაზე მინისტრებმა გაეროს კლიმატის ცვლილების მხარეთა კონფერენციის (COP 29) პრიორიტეტებზე იმსჯელეს და გამოხატეს სურვილი კონფერენციის შედეგები იყოს  ხელშესახები როგორც განვითარებადი, ისე განვითარებული ქვეყნებისთვის.

ავტორი: NS (სტატია დაფინანსებულია),

სოციალური ქსელები

ევროკავშირის ახალი ინიციატივები აზერბაიჯანისთვის და სომხეთისთვის, საქართველო ბორტს მიღმაა

უილსონი - დიქტატორ ხამენეის დაკრძალვაზე ამერიკის ყველაზე უარესი მოძულეები იკრიბებიან, ოცნების ყალბი პრეზიდენტი ყაველაშვილი ცერემონიალზე დასწრებას გეგმავს

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90

თინა ბოკუჩავა – მქონდა ძალიან სერიოზული სინდისის ქენჯნა, რომ ხაბეიშვილის შეცვლის მიზეზად დასახელდა ჯანმრთელობის მდგომარეობა, რაც არ იყო რეალური