ჩვენ გავიმარჯვებთ, სიმართლე ჩვენკენ არის. ჩვენ გვინდა ძლიერი, დემოკრატიული საქართველო, ევროკავშირის წევრი საქართველო და საქართველო ივანიშვილის გარეშე,- ამის შესახებ „ერთიანობა - ნაციონალური მოძრაობის“ ერთ-ერთმა ლიდერმა, გიორგი ვაშაძემ თბილისში, ჭავჭავაძის გამზირზე განაცხადა, სადაც კარვებია გაშლილი და 24-საათიანი პროტესტია დაგეგმილი. 

როგორც ვაშაძემ აღნიშნა, თბილისის სახელმწიფო უნივერსიტეტის პირველი კორპუსის მიმდებარედ პროტესტის აღნიშნული ფორმა 20:00 საათამდე გაგრძელდება.

„ჩვენ გადავედით პროტესტის ახალ ფორმაში. ვამბობდით ამას, კარგად მოვემზადეთ, დავორგანიზდით. არ იყო ეს ისე, რომ არ იყო გათვლილი, ღამე როგორ უნდა გავჩერებულიყავით...

გელოდებით ყველას, ვინც ახლა ტელევიზორებში გვიყურებთ - მობრძანდით აქ. როგორც ჩვენ ვთქვით, 24 საათი გრძელდება ეს პროტესტი, ანუ საღამოს 8 საათამდე ვართ აქ.

ჩვენ გავიმარჯვებთ, სიმართლე ჩვენკენ არის. ჩვენ გვინდა ძლიერი, დემოკრატიული საქართველო, ევროკავშირის წევრი საქართველო და საქართველო ივანიშვილის გარეშე“,- აღნიშნა ვაშაძემ.

შეგახსენებთ, გუშინ, 17 ნოემბერს თბილისში, ჭავჭავაძის გამზირზე კარვები გაშალეს. აქციის მონაწილეებმა, რომლებიც 26 ოქტომბრის საპარლამენტო არჩევნების შედეგებს არ აღიარებენ და ხელახალ არჩევნებს ითხოვენ, პროტესტის ნიშნად ღამე თბილისის სახელმწიფო უნივერსიტეტის პირველი კორპუსის მიმდებარე ტერიტორიაზე, გაშლილ კარვებში გაათენეს. ცნობილია, რომ ჭავჭავაძის გამზირზე პროტესტის ეს ფორმა 20:00 საათამდე გაგრძელდება.

ავტორი: ექსპრესნიუსი,

სოციალური ქსელები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა