2024-11-06 09:17:38, 388 ნახვა
პოლიტიკა
დღეს ოპოზიციური პარტიები საპროტესტო აქციისთვის სააპელაციო სასამართლოსთან შეიკრიბებიან
დღეს, 6 ნოემბერს ოპოზიციური პარტიები საპროტესტო აქციისთვის სააპელაციო სასამართლოსთან შეიკრიბებიან.
"ერთიანობა - ნაციონალური მოძრაობის" ერთ-ერთმა ლიდერმა, გიორგი ვაშაძემ თბილისის სააპელაციო სასამართლოსთან გუშინ გამართულ აქციაზე მოსახლეობას მოუწოდა, რომ პროტესტის გამოსახატად 11:00 საათზე, კვლავ მეორე ინსტანციის სასამართლოსთან შეკრებილიყვნენ.
"სასამართლო პროცესი გადაიდო. 1-ელი პროცესი 12:00 საათზეა, ხოლო მეორე პროცესი 14:00 საათზეა ჩანიშნული. პროტესტის გამოსახატად 11:00 საათზე, გთხოვთ, ყველანი შევიკრიბოთ ისევ აქ. ფაქტობრივად, სასამართლო დახურეს. შიგნით, როგორც ჩანს, პროცესი არ არის",- განაცხადა ვაშაძემ.
ავტორი: ექსპრესნიუსი,
epn.ge (@expressnews.ge)
