ვროცლავში აჭარის მთავრობის ორგანიზებით, „ვროცლავი-ბათუმი“ ბიზნესფორუმი გაიმართა

2016-02-26 19:21:20, 589 ნახვა

საზოგადოება

პოლონეთში, ქალაქ ვროცლავში, აჭარის ავტონომიური რესპუბლიკის მთავრობის ორგანიზებით, საინვესტიციო ტურების ღონისძიების ფარგლებში „ვროცლავი-ბათუმი“ ბიზნესფორუმი გაიმართა.

აჭარის მთავრობის ადმინისტრაციის პრესსამსახურის ინფორმაციით, ფორუმის ფარგლებში უცხოელი პარტნიორები საქართველოში ბიზნესის დაწყების რეგულაციებს, აჭარის რეგიონის საინვესტიციო პოტენციალს, ასევე საინვესტიციო და საპრივატიზაციო ობიექტებს გაეცნენ.

დელეგაციის წარმომადგენლებმა პოტენციურ ინვესტორებთან, ადგილობრივ კომპანიებთან და სხვა დაინტერესებულ მხარეებთან შეხვედრები გამართეს. ფორუმზე პოლონეთის წარმომადგენლებს აჭარის რეგიონის საინვესტიციო შესაძლებლობებზე ინფორმაცია აჭარის ფინანსთა და ეკონომიკის სამინისტროს მიერ მომზადებული სპეციალური პრეზენტაციით მიეწოდათ. ფორუმის მონაწილეები ასევე აჭარის რეგიონის ინგლისურენოვან საინვესტიციო ვიდეო რგოლს გაეცნენ.