2024-11-05 11:45:03, 676 ნახვა
ომი უკრაინაში
უკრაინის საჰაერო ძალები - რუსეთის მიერ გაშვებული 79 „შაჰიდიდან“ 48 ჩამოვაგდეთ
5 ნოემბრის ღამეს, უკრაინამ რუსეთის მიერ გაშვებული 79 "შაჰიდის" ტიპის დრონიდან 48 ჩამოაგდო. ამის შესახებ ინფორმაციას უკრაინის საჰაერო ძალები Telegram-ზე ავრცელებს.
საჰაერო ძალების ცნობით, რუსეთმა უკრაინას უცნობი ტიპის უპილოტო საფრენი აპარატითა და 2 Kh-59/69-ის მართვადი საჰაერო რაკეტითაც შეუტია, რომელთაგან ორივე Kh-59/69-ის რაკეტა ჩამოაგდეს.
მათივე ცნობით, დრონების განეიტრალება ოდესის, კიევის, სუმის, პოლტავის, ჟიტომირის, ჩერკასის, ჩერნიჰივისა და ხმელნიცკის ოლქებში მოხდა.
საჰაერო შეტევა ავიაციამ, საზენიტო-სარაკეტო ძალებმა, მობილურმა სახანძრო ჯგუფებმა და ელექტრონულმა ომის დანაყოფებმა მოიგერიეს.
ავტორი: ექსპრესნიუსი,
epn.ge (@expressnews.ge)
