თბილისის მერის კახა კალაძის განცხადებით, თუ ოპოზიციას ქუჩაში გამოსვლა და მიტინგის ჩატარება უნდა, შეუძლია ეს გააკეთოს, რადგან ქვეყანაში სიტყვისა და გამოხატვის თავისუფლება დაცულია, თუმცა მთავარია, რომ ყველაფერი კანონის ფარგლებში მოხდეს. 

ამის შესახებ მერმა ჟურნალისტებს ოპოზიციური პარტიების მიერ დაანონსებული შესაძლო ქუჩის პროტესტთან დაკავშირებით გაკეთებული განცხადების კომენტირებისას განუცხადა. 

„ისინი ამით ცდილობენ, რომ როგორმე თავისი ამომრჩეველი შეინარჩუნონ. მთელი ამ ხნის განმავლობაში ისინი პირდაპირ ატყუებდნენ ამომრჩეველს. თავიანთი გაუგებარი კვლევებით, ეგზიტპოლებით მოატუეს, აზეიმეს და დღეს ეუბნებიან, უი, თურმე წაგვიგიაო. ესენი არიან ადამიანები, რომელთაც საერთოდ საარჩევნო კამპანია არ ჩაუტარებიათ, საერთოდ არ მისულან მოქალაქეებთან. ეს არის მოცემულობა. თუ ვინმეს გასვლა და მიტინგის ჩატარება უნდა, ეს მათი უფლებაა. დღეს ქვეყანაში გამოხატვის და სიტყვის თავისუფლება დაცულია, ისე როგორც არასდროს. თუ ვინმეს შეკრება უნდა, შეიკრიბოს, არავინ ზღუდავთ. მთავარია, ეს ყველაფერი კანონის ფარგლებში იყოს. თუ რაიმე გადაცდომა იქნება, ამას მოყვება შესაბამისი რეაგირება“, - განაცხადა კახა კალაძემ. 

ავტორი: NS (სტატია დაფინანსებულია),

სოციალური ქსელები

ზელენსკი უკრაინის პრემიერ-მინისტრს და ძალოვან მინისტრებს ცვლის

სიკორსკი: რუსეთს პოლონეთზე თავდასხმის რესურსები არ აქვს, მაგრამ ისინი რაღაცას ამზადებენ

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს

უკრაინამ სიზრანის ნავთობგადამამუშავებელ ქარხანას, ოთხ ბორანსა და 10 ტანკერს დაარტყა