ისანში, ჩვენ წარმომადგენელ მარიამ დოლიძეს ორჯერ დაესხნენ თავს. მე-2 თავდასხმის დროს გამოიყენეს დუბინკები და ახლა ის საავადმყოფოშია გადაყვანილი - აი, ეს არის “ქართული ოცნების“ რეალური სახე,- ამის შესახებ “ერთიანობა - ნაციონალური მოძრაობის“ ერთ-ერთმა ლიდერმა, ლევან ბეჟაშვილმა განაცხადა.

მისი თქმით, “ქართული ოცნების“ "ზონდერჯგუფების" მხრიდან თავდასხმა მოხდა ყვარელშიც, მე-11 საარჩევნო უბანზე, სადაც “ნაციონალური მოძრაობის“ წარმომადგენლებს დაესხნენ თავს“.

"ის თავდასხმები, რომელიც ორგანიზებულია საქართველოს მთლიან ტერიტორიაზე, მეტყველებს იმაზე, რომ “ქართული ოცნება“ აგებს არჩევნებს. ჩვენ ვართ ყველა უბანზე და ვიცავთ ჩვენი მოქალაქეების ხმებს. მივმართავ შინაგან საქმეთა მინისტრ გომელაურს, თუ მას აქვს მუნდირის ღირსება, მან უნდა მიიღოს გადამწყვეტი ზომები ძალადობის აღსაკვეთად, ეს არ არის საამართლიანი და თავისუფალი საარჩევნო გარემო.

მარიამის თქმით, თავდამსხმელები არაფხიზელ მდგომარეობაში იმყოფებოდნენ, აწყობდნენ პროვოკაციებს. მას შემდეგ კი, რაც მარიამმა კანონის მითითებით ტერიტორიის დატოვებისკენ მოუწოდა - ფიზიკურად გაუსწორდნენ. ის საავადმყოფოშია გადაყვანილი, აქვს დაზიანებები მუცლისა და თავის არეში",- განაცხადა ბეჟაშვილმა.

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის