გერმანიის ელჩი პეტერ ფიშერი საქართველოსთან დაკავშირებით ევროპული საბჭოს მიერ მიღებულ დოკუმენტს ეხმაურება.

როგორც ფიშერი სოციალურ ქსელში წერს, საქართველოს არ შეუძლია გააკეთოს ყველაფერი, რაც სურს და ევროკავშირში გაწევრიანდეს.

"ეს არის ევროკავშირის ოფიციალური პოზიცია საქართველოზე, რომელიც 17 ოქტომბერს დაამტკიცა ევროპულმა საბჭომ, ევროკავშირის გაფართოების შესახებ საბოლოო გადაწყვეტილების მიმღებმა ორგანომ. თუ გაღელვებთ ეს საკითხი, წაიკითხეთ და გაიგეთ ეს სიტყვები. საქართველოს შეუძლია გააკეთოს ის, რაც სურს. მაგრამ მას არ შეუძლია, გააკეთოს ყველაფერი, რაც უნდა და გაწევრიანდეს ევროკავშირში. თქვენ გადაწყვიტეთ",- წერს ფიშერი X-ზე.

შეგახსენებთ, ევროპულმა საბჭომ საქართველოსთან დაკავშირებით დასკვნა გამოაქვეყნა. დოკუმენტში ნათქვამია, რომ "მთავრობის ქმედებები საფრთხეს უქმნის საქართველოს ევროპულ გზას და დე ფაქტო აჩერებს გაწევრიანების პროცესს".

ავტორი: ექსპრესნიუსი,

სოციალური ქსელები

ერთმა პირმა ღამის კლუბის დაცვა დაჭრა, იგი დააკავეს

უკრაინამ სტავროპოლში ნავთობის საწყობს ერთი კვირის განმავლობაში მეორედ დაარტყა, ხოლო პორტ კავკაზის ცეცხლი გაუჩნდა

მოსკოვის რეგიონში დრონით განხორციელებული თავდასხმის შედეგად სამი ადამიანი დაიღუპა

Axios: გარდაცვალებამდე ლინდსი გრემმა განაცხადა, რომ რუსეთის წინააღმდეგ სანქციების დაწესებას აპირებდა