საქართველო და მოლდოვა მათი ევროპული გზისთვის გადამწყვეტი მომენტის წინაშე დგანან,- ამის შესახებ ნათქვამია ევროპული საბჭოს პრეზიდენტის, შარლ მიშელის მიერ ევროკავშირის ლიდერებისთვის გაგზავნილ წერილში, რომლითაც მიშელმა ისინი 17 ოქტომბერს, ევროპული საბჭოს სხდომაზე მიიწვია.

როგორც მიშელი წერილში უთითებს, სხდომაზე, სხვა საკითხებთან ერთად, საქართველოსა და მოლდოვის საკითხსაც განიხილავენ.

როგორც წერილშია აღნიშნული, განხილვის მთავრი თემა უკრაინა იქნება. ევროკავშირის ლიდერები უკრაინის პრეზიდენტისგან, ვოლოდიმირ ზელენსკისგან "გამარჯვების გეგმას" მოისმენენ. 

"ევროპული საბჭო განიხილავს საგარეო ურთიერთობების პოლიტიკის რამდენიმე საკითხს, მათ შორის მდგომარეობას მოლდოვასა და ასევე საქართველოში. ორივე ქვეყანა მათი ევროპული გზისთვის გადამწყვეტი მომენტის წინაშე დგას.

ევროპის საბჭოს პასუხისმგებლობაა, რომელიც გათვალისწინებულია ხელშეკრულებებში, განსაზღვროს კავშირის ზოგადი პოლიტიკური მიმართულებები და პრიორიტეტები და ჩამოაყალიბოს ჩვენი კოლექტიური პოზიცია საერთაშორისო ურთიერთობების მიმართ. დარწმუნებული ვარ, რომ ჩვენ დავიცავთ ჩვენს საერთო ღირებულებებს და წესებზე დაფუძნებულ საერთაშორისო წესრიგს, კიდევ უფრო გავაძლიერებთ EU-ის გავლენას გლობალურ სცენაზე",- ნათქვამია მიშელის წერილში.

ავტორი: ექსპრესნიუსი,

სოციალური ქსელები

კობახიძე - არაფორმალური ოლიგარქიული გავლენებით მოქმედი სხვა ევროპული ინსტიტუტების მსგავსად, უკვე ეუთოც ღიად ჩართეს პროცესში

რუმინეთის საგარეო მინისტრი - საქართველს უნდა ჰქონდეს ჯანსაღი დემოკრატია

საქართველოს ბანკის მხარდაჭერით, მცირე და საშუალო ბიზნესისთვის მზის ენერგიის სექტორის განვითარებაზე შეხვედრა გაიმართა

კალასი - ჩვენ არ გვსურს საქართველოს მთავრობის მხარდაჭერა, ჩვენ გვინდა, მხარი დავუჭიროთ ქართველ ხალხს