2024-10-15 10:59:41, 586 ნახვა
ომი უკრაინაში
რუსეთმა ნიკოლაევზე სარაკეტო იერიში მიიტანა - არის მსხვერპლი
რუსებმა ნიკოლაევზე სარაკეტო იერიში განახორციელეს, რის შედეგადაც ერთი ადამიანი დაიღუპა, ხოლო 16 დაშავდა. ამის შესახებ ინფორმაციას უკრაინული მედია ნიკოლაევის საოლქო-სამხედრო ადმინისტრაციის ხელმძღვანელზე, ვიტალი კიმზე დაყრდნობით ავრცელებს.
როგორც კიმმა Telegram-ზე დაწერა, თავდასხმის შედეგად გაჩნდა ხანძარი და ინფრასტრუქტურა დაზიანდა.
"დაახლოებით, 02:30 საათზე მტერმა ქალაქს შეუტია S-300-ის ტიპის რაკეტებით. დაზიანდა სარესტორნო კომპლექსი, სავაჭრო პავილიონები, საცხოვრებელი კორპუსები და მანქანები. გაჩნდა ხანძარი და მიმდინარეობს სალიკვიდაციო სამუშაოები",- წერს კიმი სოციალურ ქსელში.
ავტორი: ექსპრესნიუსი,
epn.ge (@expressnews.ge)
