2024-09-15 11:33:41, 634 ნახვა
ომი უკრაინაში
უკრაინის საჰაერო ძალები - რუსეთის მიერ გაშვებული 14 უპილოტო საფრენი აპარატიდან 10 ჩამოვაგდეთ
15 სექტემბრის ღამეს, უკრაინელებმა რუსეთის მიერ გაშვებული 14 უპილოტო საფრენი აპარატიდან 10 ჩამოაგდეს. ამის შესახებ ინფორმაციას უკრაინის საჰაერო ძალები Telegram-ზე ავრცელებს.
საჰაერო ძალების ცნობით, ოკუპანტებმა შეტევა ასევე Іскандер-М-ის ტიპის 2 ბალისტიკური და Х-59-ის ტიპის ერთი მართვადი საჰაერო რაკეტითაც განახორციელეს.
მათივე ინფორმაციით, საზენიტო ბრძოლის დროს, უპილოტო საფრენი აპარატების გარდა, Х-59-ის ტიპის რაკეტაც ჩამოაგდეს.
საზენიტო თავდაცვა დნეპროპეტროვსკის, სუმის, პოლტავისა და მიკოლაივის ოლქებში მუშაობდა.
ავტორი: ექსპრესნიუსი,
epn.ge (@expressnews.ge)
