2024-08-04 14:01:32, 495 ნახვა

---

კობახიძე - სააკაშვილი იმყოფება არა საპატიმროში, არამედ კერძო კლინიკაში - დანარჩენზე გადაწყვეტილებებს შესაბამისი უწყებები იღებენ

საქართველოს პრემიერ-მინისტრი ირაკლი კობახიძე აცხადებს, რომ ყოფილი პრეზიდენტის, მიხეილ სააკაშვილის საპატიმროში გადაყვანაზე გადაწყვეტილებას შესაბამისი უწყებები იღებენ.

როგორც მთავრობის მეთაურმა აღნიშნა, სააკაშვილი "ძალიან დიდი ხანია არა საპატიმროში, არამედ ერთ-ერთ კერძო კლინიკაში იმყოფება".

კითხვას, აპირებს თუ არა ხელისუფლება, რომ სააკაშვილი ისევ დააბრუნოს საპყრობილეში, კობახიძემ ასე უპასუხა:

"არ ვიცი, ჩემთვის საინტერესო არა არის, შესაბამისი უწყებები იღებენ ხოლმე ასეთ გადაწყვეტილებებს.

იცით, რომ ძალიან დიდი ხანია, სააკაშვილი იმყოფება არა საპატიმროში, არამედ ერთ-ერთ კერძო კლინიკაში. ეს არის დღევანდელი მდგომარეობა. დანარჩენზე გადაწყვეტილებებს იღებენ შესაბამისი უწყებები საჭიროებებიდან გამომდინარე. ხან ასე იქნება ხან ისე, ვნახოთ".

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი