კანადაში ტყის ხანძრებს ებრძვიან - ცეცხლი ალბერტას ჩრდილოეთით და ბრიტანეთის კოლუმბიაში მძვინვარებს. ამის შესახებ ინფორმაციას სააგენტო Reuters-ი ავრცელებს.

Reuters-ის ცნობით, სტიქიის ზონაში გაცემულია ევაკუაციის განკარგულება.

ალბერტაში ტყის ხანძრის 158 კერა ფიქსირდება, მათგან 55 კონტროლს არ ექვემდებარება. პროვინციის 62 000 ჰექტარზე არსებული ცეცხლის კერების გამო, ევაკუაციის ბრძანება 5 000-მა მცხოვრებმა მიიღო.

"სახანძრო აქტივობა, სავარაუდოდ, დარჩება ინტენსიური მთელი შაბათ-კვირის განმავლობაში, რადგან ცხელი და მშრალი ამინდი გრძელდება",- ნათქვამია ადგილობრივი სამთავრობო ორგანოს განცხადებაში.

პროვინციაში 200-ზე მეტი მეხანძრე და დამხმარე პერსონალი, 10 შვეულმფრენი და 43 ერთეული მძიმე ტექნიკა მუშაობს.

რაც შეეხება ბრიტანეთის კოლუმბიას, სადაც ბოლო 24 საათის განმავლობაში, ტყის ხანძრის 58 ახალი შემთხვევა დაფიქსირდა, ჯამში 319-მდე აქტიური კერაა გამოვლენილი.

ავტორი: ექსპრესნიუსი,

სოციალური ქსელები

ჟორჟოლიანი: რეფორმატორთა საბჭო „ნაციონალური მოძრაობისგან“ დამოუკიდებლად იმუშავებს

ანკარის სამიტის შემდეგ NATO-ს წევრმა სახელმწიფოებმა დეკლარაცია მიიღეს

აშშ-ის პრეზიდენტმა ანკარაში ზელენსკისთან შეხვედრაზე განაცხადა, რომ პუტინთან საუბარს აპირებს

ქეთევან თოიძემ Tashkent International Investment Forum-ზე გალტ & თაგარტის გამოცდილება გააზიარა