2024-06-26 13:48:25, 422 ნახვა
მსოფლიო
ჩრდილოატლანტიკურმა საბჭომ ნატოს გენერალურ მდივნად მარკ რუტეს დანიშვნას მხარი დაუჭირა
ჩრდილოატლანტიკურმა საბჭომ ნატოს გენერალურ მდივნად ნიდერლანდების პრემიერ-მინისტრის, მარკ რუტეს დანიშვნის გადაწყვეტილება მიიღო.
რუტე ალიანსის გენერალური მდივნის უფლებამოსილების შესრულებას 1-ელი ოქტომბრიდან შეუდგება.
ნიდერლანდების პრემიერ-მინისტრი ნატოს გენმდივნის პოსტზე შეცვლის იენს სტოლტენბერგს, რომელიც ჩრდილოატლანტიკური ალიანსის სათავეში 10 წლის განმავლობაში იდგა.
რაც შეეხება მარკ რუტეს, ის ნიდერლანდების პრემიერ-მინისტრი 2010 წლიდანაა.
ავტორი: ექსპრესნიუსი,
epn.ge (@expressnews.ge)
