2024-06-25 15:55:29, 622 ნახვა
მსოფლიო
ჰააგის სასამართლომ სერგეი შოიგუსა და ვალერი გერასიმოვის დაკავების ორდერები გასცა
ჰააგის სისხლის სამართლის საერთაშორისო სასამართლომ (ICC) რუსეთის ფედერაციის ყოფილი თავდაცვის მინისტრის, სერგეი შოიგუსა და გენერალური შტაბის ხელმძღვანელის, ვალერი გერასიმოვის დაკავების ორდერები გასცა.
როგორც სასამართლოს პრესრელიზშია აღნიშნული, წინასასამართლო პალატამ მიიჩნია, რომ არსებობს გონივრული საფუძველი იმის დასაჯერებლად, რომ ორივე ეჭვმიტანილს ეკისრება პასუხისმგებლობა რუსეთის არმიის მიერ, სულ მცირე, 2022 წლის 10 ოქტომბრიდან 2023 წლის 9 მარტამდე პერიოდში, უკრაინულ ენერგეტიკულ ინფრასტრუქტურაზე განხორციელებულ დარტყმებზე.
პალატა ასევე მიიჩნევს, რომ არსებობს გონივრული საფუძველი იმის დასაჯერებლად, რომ სავარაუდო დარტყმები სამოქალაქო ობიექტებზე იყო მიმართული.
ავტორი: ექსპრესნიუსი,
epn.ge (@expressnews.ge)
