ჩრდილოეთ კორეის დედაქალაქ ფხენიანში ვიზიტის შემდეგ, რუსეთის პრეზიდენტი ვლადიმერ პუტინი დღეს ვიეტნამში ჩავა. ამის შესახებ ინფორმაციას Reuters-ი ავრცელებს.

მედიის ცნობით, ამერიკის შეერთებულმა შტატებმა პუტინის ვიეტნამში ვიზიტი დაგმო.

„რუსეთს სურს გააგზავნოს მესიჯი, რომ მას მეგობრები მთელს მსოფლიოში ჰყავს და რომ დასავლეთის მცდელობა - იზოლირებაში მოაქციოს რუსეთი - უშედეგოა“, - განაცხადა ალექსანდრ ვუვინგმა ჰავაის აზია-წყნარი ოკეანის უსაფრთხოების კვლევების ცენტრიდან.

მისივე თქმით, ჰანოის საკუთარი ინტერესები აქვს - „ორი ქვეყნის საერთო კომუნისტური ფესვების მიღმა“.

შეგახსენებთ, მას შემდეგ რაც რუსეთის პრეზიდენტი ვლადიმერ პუტინი ქვეყნის პრეზიდენტად მე-5 ვადით აირჩიეს, ვიეტნამი იქნება მე-3 ქვეყანა, რომელსაც პუტინი ეწვევა ჩინეთისა და ჩრდილოეთ კორეის შემდეგ.

აღსანიშნავია, რომ ვლადიმერ პუტინის წინააღმდეგ საერთაშორისო სისხლის სამართლის სასამართლოს მიერ დაკავების საერთაშორისო ორდერია გაცემული.

ავტორი: ექსპრესნიუსი,

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა