სალომე ზურაბიშვილმა, გადამწყვეტ დროს, ისტორიის გადამწყვეტ მომენტში, ქვეყნისა და ხალხის მხარე დაიჭირა...კოალიციური მოლაპარაკებების შედეგად და პრეზიდენტთან კოორდინაციით - ჩამოყალიბდება მთავრობა, - ასე გამოეხმაურა პარტია „ახალის“ ერთ-ერთი ლიდერი ნიკა მელია საქართველოს პრეზიდენტის, სალომე ზურაბიშვილის მიერ წარდგენილ სამოქმედო გეგმას.

როგორც მელია სოციალურ ქსელში წერს, მიზანი არსებული ხელისუფლების დამარცხება და კოალიციური მთავრობის ჩამოყალიბებაა, სადაც „გადაწყვეტილებები პოლიტიკური კონსენსუსისა და თანხმობის გზით მიიღება“.

„სალომე ზურაბიშვილმა, გადამწყვეტ დროს, ისტორიის გადამწყვეტ მომენტში, დაიჭირა ქვეყნისა და ხალხის მხარე, იქცა ქვეყანაში ევროპული მომავლის გარანტად როგორც ინსტიტუციურად, ისე პიროვნულად.

დღეს ჩვენი ძალა, წარსულსა და მომავალში სხვადასხვა პოზიციებზე მყოფი, მრავალფეროვანი ადამიანების, მიზნის გარშემო ერთობაშია.

მიზანი კი არის არსებული ხელისუფლების დამარცხება, მრავალფეროვანი და მრავალპარტიული პარლამენტით, სადაც თითოელი ქართველის ხმა იქნება გაგონილი და პოლიტიკაში ასახული; დასრულდება ერთპარტიული მმართველობა; გაქრება მომავალში ერთპარტიულად საახელმწიფოს მიტაცების რისკი; იქნება კოალიციური მთავრობა, სადაც გადაწყვეტილებები მიიღება პოლიტიკური კონსენსუსისა და თანხმობის გზით. ამ ყველაფერში კი პრეზიდენტის როლი, იქნება გადამწყვეტი.

კოალიციური მოლაპარაკებების შედეგად და პრეზიდენტთან კოორდინაციით - ჩამოყალიბდება მთავრობა.

წარდგენილი პროგრამის შესრულების შემდეგ, რეფორმირებული ინსტიტუტების პირობებში, მომზადდება და ჩატარდება თავისუფალი საპარლამენტო არჩევნები”,- წერს მელია.

შეგახსენებთ, გუშინ, 26 მაისს საქართველოს პრეზიდენტმა, სალომე ზურაბიშვილმა ორბელიანების სასახლესთან დამოუკიდებლობის დღესთან დაკავშირებით მიმდინარე ღონისძიებაზე სამოქმედო გეგმა - „ქართული ქარტია” წარადგინა. 

ავტორი: ექსპრესნიუსი,

სოციალური ქსელები

თიბისი კაპიტალმა მაკროეკონომიკური განახლება გამოაქვეყნა

სუხიშვილების ღია სცენა თაკარა ახალი პროგრამით ბრუნდება, ღონისძიებების მხარდამჭერია SOLO (რ)

STEM განათლება მთელი საქართველოსთვის - BOG-ისა და კომაროვის ერთობლივი პროექტი

მაკა ბოჭორიშვილი მარკო რუბიოს მიწვევით ვაშინგტონში მინისტერიალში მიიღებს მონაწილეობას