„სტრატეგია აღმაშენებელი“ - პრეზიდენტის ინიცირებულ „ქართულ ქარტიას“ ვუერთდებით

2024-05-27 12:35:52, 423 ნახვა

პოლიტიკა

"სტრატეგია აღმაშენებელი" პრეზიდენტ სალომე ზურაბიშვილის მიერ ინიცირებულ "ქართულ ქარტიას" უერთდება.

აღნიშნულთან დაკავშირებით პარტია სოციალურ ქსელში განცხადებას ავრცელებს.

"მივესალმებით საქართველოს პრეზიდენტის ინიციატივას, რომელიც მიზნად ისახავს ჩვენი ქვეყნის ევროპული კურსის მტკიცე მხარდაჭერას და პროდასავლური პარტიების ხედვის ჩამოყალიბებას და წარდგენას.

აქედან გამომდინარე “სტრატეგია აღმაშენებელი” პრეზიდენტ სალომე ზურაბიშვილის ინიციირებულ “ქართულ ქარტიას“ უერთდება",- აღნიშნულია პარტიის ოფიციალურ განცხადებაში.

შეგახსენებთ, გუშინ, 26 მაისს საქართველოს პრეზიდენტმა, სალომე ზურაბიშვილმა პოლიტიკურ პარტიებს "ქართული ქარტია" შესთავაზა. რას გულისხმობს "ქართული ქარტია", შეგიძლიათ იხილოთ აქ.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,