დღეს, თბილისის სახელმწიფო უნივერსიტეტის მიმდებარე ტერიტორიაზე "უცხოური გავლენის გამჭვირვალობის შესახებ" კანონის მოწინააღმდეგე სტუდენტებს ქართული ოცნების ახალგაზრდული ორგანიზაციის წევრები ფიზიკურად დაუპირისპირდნენ. 

დაპირისპირება მაშინ დაიწყო, როცა მე-2 კორპუსთან დილის 09:00 საათზე აღნიშნული კანონის მოწინააღმდეგე შეკრებილ სტუდენტებს, დაცვის თანხლებით მყოფმა პრემიერ-მინისტრმა, ირაკლი კობახიძემ ავტომობილით ჩაუარა.

ადგილზე მობილიზებული იყო პოლიცია. 

"თავიდან ცდილობდნენ შეურაცხმყოფელი რეპლიკებით ჩვენს პროვოცირებას, როცა ეს ვერ შეძლეს საბოლოო ჯამში თვითონ გადმოვიდნენ ფიზიკურ თავდასხმაზე, აბსოლუტურად ჩვეულრბრივ ვითარებაში", - განაცხადა ერთ-ერთმა სტუდენტმა, ნიკო მანაგაძემ. 

ირაკლი კობახიძემ თბილისის სახელმწიფო უნივერსიტეტი "ქართული ოცნების" ახალგაზრდული ორგანიზაციის წარმომადგენლებთან ერთად უკვე დატოვა. 

ავტორი: ექსპრესნიუსი,

სოციალური ქსელები

პოლონეთმა განაცხადა, რომ 2022 წლიდან დღემდე უკრაინას 4.5 მილიარდი დოლარის ღირებულების იარაღი გადასცა

საქართველოს მოსახლეობის რიცხვი იზრდება, მაგრამ არა ეთნიკური ქართველების ხარჯზე - რატომ გარბიან ქართველები ქვეყნიდან?

ზელენსკიმ განაცხადა, რომ ომის შედეგს „ცა“ განსაზღვრავს და პუტინს მოსკოვში ათასი დრონის გაგზავნით დაემუქრა

აშშ აცხადებს, რომ ირანმა ჰორმუზის სრუტეში გემებზე თავდასხმა განაახლა