ზუგდიდის გამგეობამ ორ სართულიანი საბავშვო ბაღის მშენებლობა დაიწყო

2016-02-11 19:04:28, 2249 ნახვა

რეგიონი

ზუგდიდის მუნიციპალიტეტის ახალკახათის ადმინისტრაციულ ერთეულში ორ სართულიანი საბავშვო ბაღის მშენებლობა დაიწყო.

თანამედროვე ტიპისა და ევროპული სტანდარების საბავშვო ბაღი 77 აღსაზრდელზე იქნება გათვლილი. ბაღში განთვასდება სამი ჯგუფი. სამივე ჯგუფს ინდივიდუალური საკონცერტო დარბაზი, სამზარეულო, სველი წერტილებისთვის განკუთვნილი საერთო ოთახი და გარდერობი ექნება.

როგორც ზუგდიდის გამგეობაში აღნიშნავენ, შენობის შესასვლელში მოეწყობა პანდუსი და საბავშვო ბაღში შშმ პირთათვის ადაპტირებული გარემო იქნება.

ახალკახათში სკოლამდელი სააღმზრდელო დაწესებულების შენობის არ არსებობის გამო, ამ დროისთვის საბავშვო ბაღი განთავსებულია დაქირავებულ კერძო ოჯახში. საბავშვო ბაღი ორი ჯგუფისგან შედგება და სულ 57 აღსაზრდელი ირიცხება. მსურველ ბავშვთა რაოდენობა დამატებით 30 –ს შეადგენს , თუმცა არსებულ ბაღში ფართის სიმცირის გამო ბავშვების მიღება ვერ ხერხდება.

როგორც ზუგდიდის გამგეობაში ამბობენ, ახალკახათში, ორ სართულიანი, სააღმზრდელო დაწესებულების მშენებლობა მიმდინარე წლის მარტში დასრულდება და პროექტის ღირებულება 188 ათას ლარს შეადგენს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან