გაძალებენ, რომ გამოვა მილიარდერი ბელადი და ტაში უნდა დაუკრა და ძალიან კარგად მოიქცა დიდი უმეტესობა, რომ ტაშს არ უკრავდა და თქვენ დაგჭირდათ გამოგონილი ტაშისკვრა,- ასე მიმართა "სტრატეგია აღმაშენებლის" წარმომადგენელმა, პაატა მანჯგალაძემ "ქართული ოცნების" დეპუტატებს პარლამენტის პლენარულ სხდომაზე.

მანჯგალაძე სიტყვით გამოსვლისას "ქართული ოცნების" ორგანიზებით გამართულ "საყოველთაო-სახალხო შეკრებას" გამოეხმაურა და თქვა, რომ ადამიანების უმრავლესობა აქციაზე საკუთარი ნებით არ მისულა.

"მიუხედავად იმისა, რომ საგანგებოდ ემზადებოდით მთელი ერთი კვირა, მილიარდერის მილიონებით, ადმინისტრაციული რესურსით, საჯარო სამსახურების მობილიზებით, მაინც ვერ მიაღწიეთ იმ ეფექტს, რომელიც "ფეისბუქით" ერთ დღეში დაანონსებულმა საქართველოს, ევროპის მხარდამჭერმა აქციამ შექმნა. მაინც დაგჭირდათ ტაშის დადება და "ჯოს" ძახილის დადება, იმიტომ, რომ ადამიანების უმეტესობა იქ არ იყო მოსული თავისი ნებით... 

მოდიხარ მიკროავტობუსით რამდენიმე საათი, მერე მზისგულზე, სიცხეში გაყენებენ და გაძალებენ, რომ გამოვა მილიარდერი ბელადი და ტაში უნდა დაუკრა და ძალიან კარგად მოიქცა დიდი უმეტესობა, რომ ტაშს არ უკრავდა და თქვენ დაგჭირდათ გამოგონილი ტაშისკვრა",- განაცხადა მანჯგალაძემ.

შეგახსენებთ, გუშინ, 29 აპრილს თბილისში, პარლამენტის სასახლის წინ, "ქართული ოცნების" ორგანიზებით, "საყოველთაო-სახალხო შეკრება" გაიმართა. რუსთაველზე შეკრებილ მოქალაქეებს სიტყვით მმართველი პარტიის ლიდერებმა, მათ შორის საპატიო თავმჯდომარემ, ბიძინა ივანიშვილმა მიმართა.

ავტორი: ექსპრესნიუსი,

სოციალური ქსელები

კიევსა და სხვა რამდენიმე ქალაქში ფედოროვის მხარდამჭერი საპროტესტო აქციები მეორე დღეა გრძელდება: მონაწილეები სკანდირებენ „სირსკი, წადი!“

უკრაინის ეროვნული პოლიციის უფროსის მოვალეობის შემსრულებლად მაქსიმ ცუცქირიძე დაინიშნა

აშშ-მ ირანის წინააღმდეგ ახალი დარტყმების სერია დაიწყო

ნათელაშვილი ტრამპის მადლობაზე - ხელოვნური ინტელექტის მიერ კომპიუტერის მეშვეობით გამოგზავნილი პასუხია მილოცვებზე მთელი მსოფლიოს მასშტაბით