გუშინ დაიხარჯა, დაახლოებით, 10-15 მილიონი ლარი. კითხვა მაქვს - ეს 10-15 მილიონი ლარი სად არის დაფიქსირებული, ანუ, სად არის გამჭვირვალობა,- ამის შესახებ "გირჩის" ერთ-ერთმა ლიდერმა, ვახტანგ მეგრელიშვილმა "ქართული ოცნების" ორგანიზებით გამართულ "საყოველთაო-სახალხო შეკრებასთან" დაკავშირებით განაცხადა.

მეგრელიშვილმა პარლამენტის პლენარულ სხდომაზე სიტყვით გამოსვლისას "უცხოური გავლენის გამჭვირვალობის შესახებ" კანონპროექტზე გაამახვილა ყურადღება და აღნიშნა, რომ "ძალიან უცნაურია", რომ ეს ყველაფერი აღნიშნული კანონპროექტის მიღების ფონზე ხდება.

"სხვა ეტაპზე გადავედით ჩვენი პოლიტიკური ცხოვრების. ძალიან უცნაურია, რომ ეს ყველაფერი ხდება "გამჭვირვალობის კანონის" მიღების ფონზე. რომ წარმოვიდგინოთ, გუშინ 100 000 ადამიანი იყო, გინდ, 50 000. ცხადია, ამ ადამიანებს დაფინანსება სჭირდებათ, მაგრამ რომ წარმოვიდგინოთ, საშუალოდ, 100 ლარი, 200 ლარზეც საუბრობდნენ, მაგრამ 100 ლარი რომ ღირებულიყო, გუშინ დაიხარჯა, დაახლოებით, 10-15 მილიონი ლარი. კითხვა მაქვს - ეს 10-15 მილიონი ლარი სად არის დაფიქსირებული, ანუ, სად არის ის გამჭვირვალობა. ეს ხომ პარტიული ღონისძიება იყო, დაჯდა ამდენი ფული, როგორ დავიჯერო, რომ ეს სადღაც აისახება, რომ გუშინ, ერთ დღეში ამ ღონისძიებისთვის 10-15 მილიონი ლარია დახარჯული",- განაცხადა მეგრელიშვილმა.

ავტორი: ექსპრესნიუსი,

სოციალური ქსელები

კიევსა და სხვა რამდენიმე ქალაქში ფედოროვის მხარდამჭერი საპროტესტო აქციები მეორე დღეა გრძელდება: მონაწილეები სკანდირებენ „სირსკი, წადი!“

უკრაინის ეროვნული პოლიციის უფროსის მოვალეობის შემსრულებლად მაქსიმ ცუცქირიძე დაინიშნა

აშშ-მ ირანის წინააღმდეგ ახალი დარტყმების სერია დაიწყო

ნათელაშვილი ტრამპის მადლობაზე - ხელოვნური ინტელექტის მიერ კომპიუტერის მეშვეობით გამოგზავნილი პასუხია მილოცვებზე მთელი მსოფლიოს მასშტაბით