საზოგადოებრივმა მაუწყებელმა ეკა მიშველაძესთან ხელშეკრულება გაწყვიტა

2016-02-10 16:31:45, 1086 ნახვა

პოლიტიკა

საზოგადოებრივმა მაუწყებელმა ეკა მიშველაძე სამსახურიდან გაათავისუფლა, - ამის შესახებ ჟურნალისტს დღეს წერილობით აცნობეს.

მიშველაძემ ოფიციალური წერილი მაუწყებლის გენერალური დირექტორისგან გიორგი ბარათაშვილისგან მიიღო. წერილში აღნიშნულია, რომ სსიპ "საზოგადოებრივ მაუწყებელი" ჟურნალისტთან შრომით ხელშეკრულებას წყვეტს.

ჟურნალისტმა წერილი საჯაროდ სოციალურ ქსელ facebook-ში გამოაქვეყნა.

წერილში საუბარია იმაზე, რომ მის მიერ წარდგენილი ახალი გადაცემის პროექტმა ვერ მიიღო შესაბამისი რეკომენდაცია და ასევე არ იქნა მიღებული დადებითი გადაწყვეტილება მისი წარმოების დაწყების შესაძლებლობასთან დაკავშირებით.

როგორც არხის გენერალური დირექტორი გიორგი ბარათაშვილი განცხადებაში განმარტავს, ჟურნალისტის მიერ წარმოდგენილი ახალი პროექტის თემატიკა სსიპ "საზოგადოებრივ მაუწყებელზე" უკვე არსებობს ან წარმოებაშია. აქედან გამომდინარე, კომპანია ტელეწამყვანთან გაფორმებულ ხელშეკრულებას წყვეტს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან