"სახელმწიფოს იმის უფლება აქვს, რომ ვიდეოტექნიკა გამოიყენოს საგზაო მოძრაობის უსაფრთხოების უზრუნველსაყოფად. არანაირი კავშირი ამას ფარულ საგამოძიებო მოქმედებასთან არ აქვს", - ამის შესახებ შინაგან საქმეთა მინისტრის მოადგილე არჩილ თალაკვაძემ განაცხადა.

მისივე თქმით, ვიდეო მონიტორინგმა არაერთ ქვეყენაში საგზაო მოძრაობის სფეროში შემთხვევათა რაოდენობა 30-40 პროცენტით შეამცირა.

"დღეს არსებული კანონმდებლობითაც სახელმწიფოს იმის უფლება აქვს, რომ ვიდეოტექნიკა გამოიყენოს საგზაო მოძრაობის უსაფრთხოების უზრუნველსაყოფად. არანაირი კავშირი ამას ფარულ საგამოძიებო მოქმედებასთან არ აქვს. ამ საკითხების ურთიერთდაკავშირება ოპონენტების მხრიდან ხდება. ჩემი აზრით, სპეციალურად, რომ მიაღწიონ ამ პროექტის დისკრედიტაციას და რაღაც მითი შექმნან, რომ სახელმწიფო იწყებს ტოტალურ კონტროლს. რა ტოტალურ კონტროლზეა საუბარი, სახელმწიფოს თუ უნდა რომ მოქალაქეს ფარულად უთვალთვალოს, რატომ უნდა დაანონსოს ეს რეფორმის სახით, ან რატომ უნდა დააყენოს ნიშანი, ან ამის რეკლამირებას რატომ დაიწყებდა მედიით? ალოგიკურია.

უკონტაქტო პატრულირების გამოცდილება არსებობს ძალიან ბევრ ქვეყანაში...ვიდეო მონიტორინგმა ზოგადად საგზაო მოძრაობის სფეროში შეამცირა შემთხვევათა რაოდენობა 30-40 პროცენტით არაერთ ქვეყანაში. ეს არის შედეგი რომელსაც ჩვენც გვინდა მივაღწიოთ", - განაცხადა არჩილ თალაკვაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს