2024-03-19 13:56:36, 586 ნახვა

---

გარემოსდაცვითი ზედამხედველობის დეპარტამენტის თანამშრომლებმა კახეთში ელექტროშოკური აპარატით უკანონო თევზჭერის ფაქტი გამოავლინეს

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, ბრაკონიერობის წინააღმდეგ ბრძოლის ფარგლებში, კახეთში უკანონო თევზჭერის ფაქტი გამოავლინეს. 

გურჯაანის მუნიციპალიტეტში, მდინარე ალაზანზე, მოქალაქეები უკანონო თევზჭერას ელექტროშოკური აპარატის, გასაბერი ნავისა და ჩოგანბადის საშუალებით ახდენდნენ.

სამართალდამრღვევებს უკანონოდ ჰქონდათ მოპოვებული, ჯამში, 40 კილოგრამამდე ჭანარის, ხრამულისა და შამაიას სახეობის თევზი. 

ვინაიდან ფაქტი შეიცავს სისხლის სამართლის დანაშაულის ნიშნებს, გამოძიება შსს-ს გურჯაანის რაიონულმა პოლიციამ დაიწყო. 

ინფორმაციას გარემოსდაცვითი ზედამხედველობის დეპარტამენტი ავრცელებს.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი