2024-03-06 21:15:44, 1464 ნახვა
ომი უკრაინაში
ზელენსკი - ოდესაში რუსეთის მიერ განხორციელებული იერიშისას არიან დაღუპულები და დაჭრილები
ოდესაში ჩემი და საბერძნეთის პრემიერ-მინისტრის ყოფნისას რუსეთის მიერ განხორციელებული იერიშისას არიან დაღუპულები და დაჭრილები, - ამის შესახებ უკრაინის პრეზიდენტმა, ვოლოდიმირ ზელენსკიმ საბერძნეთის პრემიერ-მინისტრთან ერთად გამართულ პრესკონფერენციაზე განაცხადა.
როგორც ზელენსკი აღნიშნავს, რუსეთმა სარაკეტო დარტყმა საბერძნეთის პრემიერ-მინისტრ კირიაკოს მიცოტაკისთან მის შეხვედრამდე ცოტა ხნით ადრე განახორციელა.
ბერძნული მედიის ინფორმაციით, საბერძნეთის პრემიერ-მინისტრი რაკეტის დაცემის ადგილიდან 150 მეტრში იმყოფებოდა.
ცნობისთვის, საბერძნეთის პრემიერ-მინისტრი კირიაკოს მიცოტაკისი ოდესაში დღეს ჩავიდა.
ავტორი: ექსპრესნიუსი,
epn.ge (@expressnews.ge)
