აშშ მუშაობს, რომ რაც შეიძლება მეტი გზა მოიძებნოს ღაზაში ჰუმანიტარული დახმარების მისაწოდებლად, რათა შემცირდეს ჰუმანიტარული კატასტროფა,- ამის შესახებ ამერიკის შეერთებული შტატების სახელმწიფო დეპარტამენტის სპიკერმა, მეთიუ მილერმა განაცხადა.

მილერის თქმით, შეერთებული შტატები ღაზას სექტორში არსებული ჰუმანიტარული ვითარებით "უკიდურესად შეშფოთებულია".

"გასულ კვირას მომხდარმა ინციდენტმა ცხადყო, რომ საკვების, წყლის და წამლების გამო ხალხი სასოწარკვეთილია. მშობლები შეუძლებელი არჩევანის წინაშე დგანან, როგორ გამოკვებონ შვილები. 

შაბათ-კვირას, თავდაცვის დეპარტამენტმა და იორდანიის სამეფოს საჰაერო ძალებმა 38 000 ულუფა საკვები ჩაყარეს ღაზაში. მიზეზი, რატომაც ჩვენ ვცდილობთ დახმარების რაც შეიძლება მეტი გზით მიწოდებას, არის ის, რომ ხალხს თუ ეცოდინება, ის სატვირთო მანქანა, რომელსაც ისინი ხედავენ, არ არის ბოლო, რომელიც იქნება მათ სამეზობლოში და მიაწოდებს საკვებს მომდევნო კვირაში ან ერთი თვის განმავლობაში, მაშინ ნაკლებად სავარაუდოა, რომ საფრთხეში ჩაიგდონ საკუთარი თავი ან მეზობლები",- განაცხადა მილერმა.

ცნობისთვის, ჯანდაცვის მსოფლიო ორგანიზაციის (WHO) ხელმძღვანელი ტედროს გებრეიესუსი აცხადებს, რომ ჩრდილოეთ ღაზაში ბავშვები შიმშილით იღუპებიან. 

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს