მოსკოვს ჟენევის დისკუსიების სხვა ქალაქში გადატანა სურს, - ამის შესახებ დროებით ოკუპირებული აფხაზეთის ე.წ. პრეზიდენტმა, ასლან ბჟანიამ განაცხადა.

ბჟანიას თქმით, "ეს დაკავშირებულია იმასთან, რომ ჟენევა სულ უფრო და უფრო ნაკლებად უზრუნველყოფს თანაბარ პირობებს პროცესის მონაწილეებისთვის".

"დღეს რუსული მხარე ძალიან მნიშვნელოვან საკითხს აყენებს, რომელიც ჟენევის დისკუსიების ჟენევიდან სხვა ლოკაციაზე გადატანას ეხება. ეს იმასთან არის დაკავშირებული, რომ ჟენევა სულ უფრო და უფრო ნაკლებად უზრუნველყოფს თანაბარ პირობებს პროცესის მონაწილეებისთვის", - განაცხადა ბჟანიამ.

მისივე თქმით, აღნიშნულ საკითხზე მასთან რუსეთის საგარეო საქმეთა მინისტრმა, სერგეი ლავროვმა ისაუბრა.

"რაც შეეხება ჟენევის დისკუსიას, ბატონ ლავროვთან ბოლო შეხვედრაზე, მან თქვა, რომ ამ პლატფორმამ მეტწილად თავისი თავი ამოწურა. ამიტომაც, მან იკითხა, ხომ არ არის აფხაზური მხარე წინააღმდეგი, მუშაობა უფრო შესაფერისის მოსაძებნად გაგრძელდეს. საუბარი იყო მათ შორის ბელარუსის დედაქალაქ მინსკზე, ან სხვა სახელმწიფოების დედაქალაქებზე, პოსტსაბჭოთა სივრცის შედარებით ნეიტრალურ ქვეყნებზე", - დასძინა ბჟანიამ.

ავტორი: ექსპრესნიუსი,

სოციალური ქსელები

ოლიგარქის სასამართლომ ევროკავშირისა და დასავლელი დიპლომატებისთვის „საბოტაჟის“ საქმეზე დასწრება აკრძალა

ზესტაფონში ავარიის შედეგად 6 ადამიანი დაშავდა

IPI: ვახო სანაიას პატიმრობა განსხვავებული აზრის ჩახშობის კიდევ ერთი საგანგაშო ნაბიჯია

ბათუმში სროლა იყო, დაჭრილია 1 ადამიანი