2024-01-29 15:34:27, 999 ნახვა
მსოფლიო
უჟგოროდში სიიარტოს, ერმაკისა და კულებას შეხვედრა მიმდინარეობს
უკრაინის ქალაქ უჟგოროდში უნგრეთის საგარეო საქმეთა მინისტრ პიტერ სიიარტოს, უკრაინის პრეზიდენტის ოფისის ხელმძღვანელ ანდრეი ერმაკსა და უკრაინის საგარეო საქმეთა მინისტრ დმიტრო კულებას შეხვედრა მიმდინარეობს.
ამის შესახებ ინფორმაციას უკრაინის პრეზიდენტის ადმინისტრაცია ავრცელებს.
"მოსალოდნელია გულახდილი და კონსტრუქციული დიალოგი ქვეყნებს შორის ურთიერთობების გასაუმჯობესებლად",- ნათქვამია ადმინისტრაციის ინფორმაციაში.
შეგახსენებთ, უნგრეთის საგარეო საქმეთა მინისტრი პიტერ სიიარტო უკრაინაში დღეს, 29 იანვარს ჩავიდა.
ავტორი: ექსპრესნიუსი,
epn.ge (@expressnews.ge)
