2024-01-15 16:51:09, 706 ნახვა
მსოფლიო
ბაქოში, ავეჯის სახელოსნოში აფეთქება მოხდა - არის მსხვერპლი
აზერბაიჯანის დედაქალაქ ბაქოში, ბინაგადის რაიონში მდებარე ავეჯის სახელოსნოში აფეთქება მოხდა, რამაც ხანძარი გამოიწვია. აზერბაიჯანული მედიის ცნობით, შემთხვევის შედეგად 3 ადამიანი დაიღუპა, 24 კი დაშავდა.
როგორც მედია იტყობინება, დაშავებულთგან ერთს დახმარება ადგილზე გაეწია, დანარჩენები კი, სამედიცინო დაწესებულებებში გადაიყვანეს. 14 პირი დამწვრობის ცენტრშია მოთავსებული.
ამ დროისთვის ხანძარი ლიკვიდირებულია.
ქვეყნის გენერალური პროკურატურის ცნობით, მომხდართან დაკავშირებით დაწყებულია გამოძიება.
ავტორი: ექსპრესნიუსი,
epn.ge (@expressnews.ge)
