მიმდინარე წელს, სრულად უზრუნველვყოფთ ჩვენს მოსახლეობას ონკოლოგიური და ქრონიკული დაავადებების სამკურნალო მედიკამენტებით,- ამის შესახებ ჯანდაცვის მინისტრმა, ზურაბ აზარაშვილმა მთავრობის სხდომის დასრულების შემდგომ განაცხადა. 

როგორც მინისტრმა აღნიშნა, ფარმაცევტულ რეფორმაზე მუშაობისას, საერთაშორისო ექსპერტებმა რეკომენდაცია გასცეს, რეფერენტული ფასწარმოქმნა, ძვირადღირებულ ონკოლოგიურ მედიკამენტებს არ შეხებოდა და სახელმწიფოს, პირდაპირი მოლაპარაკებების გზით, უშუალოდ მწარმოებლებისგან შეესყიდა. 

„უკვე კონკრეტული და ხელშესახები შედეგები გვაქვს, მნიშვნელოვნად ვზოგავთ სახელმწიფო ბიუჯეტს და ამან შესაძლებლობა მოგვცა, რომ მიმდინარე წელს, სრულად უზრუნველვყოთ  ონკოლოგიური პაციენტები მედიკამენტებით. რაც შეეხება ქრონიკულ მედიკამენტებს, ასევე, სრულად უზრუნველვყოფთ ჩვენს მოქალაქეებს. ეს, დაახლოებით, 400 000 ადამიანს შეეხება. შესაბამისი ბიუჯეტი და პროცედურული ნაწილი უკვე დასრულებულია და მიმდინარე თვიდან ამას შევძლებთ“, - განაცხადა ზურაბ აზარაშვილმა. 

ჯანდაცვის მინისტრმა კონკურენციის სააგენტოს გადაწყვეტილებაზეც ისაუბრა, რომელმაც 5 ფარმაცევტული კომპანია, შეთანხმებული ქმედების გამო, 53 მილიონამდე ლარით დააჯარიმა. 

„ფაქტი საკმაოდ ცხადი და მკაფიოა. კონკრეტულად ვხედავთ, კომპანიებს შორის შეთანხმებულ ქმედებებს, რაც ჩვენი ქვეყნის წინააღმდეგ იყო მიმართული. ისინი ხელოვნურად გაზრდილი ფასებით, ცდილობდნენ, ბიუჯეტიდან მომხდარიყო გაცილებით მეტი თანხის გადახდა. მედიკამენტები, ზოგ შემთხვევაში 3-ჯერ, 4-ჯერ იყო  გაძვირებული და სამწუხაროდ, პაციენტები რჩებოდნენ წამლების გარეშე, რადგან ნაადრევად ხდებოდა ლიმიტების ამოწურვა. ასეთი მკაცრი რეაგირების შემდეგ, ძალიან დიდი იმედი მაქვს, რომ მსგავსი ფაქტი, ჩვენს ქვეყანაში აღარ განმეორდება. თუმცა, მაქსიმალურად ყურადღებით ვართ. სპეციალური ბაზებიც გვაქვს შექმნილი, ყოველდღიურად ვუწევთ მონიტორინგს როგორც ონკოლოგიურ, ისე ყველა სხვა მედიკამენტის ბრუნვას ფარმაცევტულ ბაზარზე, მათ ნაშთებს, რათა არ მოხდეს ბაზარზე ხელოვნური დეფიციტის შექმნა“, - განახადა აზარაშვილმა.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს