ნაძალადევის რაიონის გამგებელი ირაკლი ანდღულაძე მოსახლეობის წინაშე გამგეობის საქმიანობის ერთწლიანი ანგარიშით წარდგა.  2023 წლის განმავლობაში განხორციელებული პროექტებისა და პროგრამებისთვის ჯამში, 27 მილიონ ლარზე მეტი დაიხარჯა. ამის შესახებ ინფორმაციას თბილისის მერია ავრცელებს.

თბილისის მერიის ცნობით, ირაკლი ანდღულაძემ ყურადღება მიმდინარე წლის მნიშვნელოვან პროექტებზე გაამახვილა და მომავალი წლის გეგმებზეც ისაუბრა.

"საგზაო ინფრასტრუქტურა 55 ათას კვ.მ ფართობზე მოწესრიგდა; კაპიტალური და ფრაგმენტული საგზაო სამუშაოები - 117 მისამართზე შესრულდა; სანიაღვრე ქსელი 9 მისამართზე მოეწყო; გრუნტის დამჭერი კედლის მშენებლობა 14 მისამართზე განხორციელდა; საბავშვო-გასართობი ატრაქციონები 18 მისამართზე დამონტაჟდა; სკვერებში დაზიანებული ინფრასტრუქტურის შეკეთება-რეაბილიტაცია 47 მისამართზე განხორციელდა; 7 სპორტული მოედანი სრულად რეაბილიტირდა, კიდევ 5 მისამართზე დაზიანებები შეკეთდა.

"ბინათმესაკუთრეთა ამხანაგობების განთარებების ხელშეწყობის პროგრამის ფარგლებში“, მიმდინარე წელს 215 სხვადასხვა ინფრასტრუქტურული პროექტი შესრულდა. მათ შორის, 52 საცხოვრებელ კორპუსში სახურავი შეკეთდა; 63 კორპუსში ლიფტის მოწყობა-რეაბილიტაცია განხორციელდა და 34 მისამართზე მიწისქვეშა კომუნიკაციები შეიცვალა.

ჯანდაცვისა და სოციალური დახმარებების პროგრამის ფარგლებში, ჯამში, 18 000-ზე მეტი ბენეფიციარი დაფინანსდა.

2023 წელს ნაძალადევის რაიონის გამგეობამ 10 კულტურულ-სპორტული და შემეცნებითი ღონისძიება ჩაატარა, საახალწლო ღონისძიება კი, წლის ბოლოს ჩატარდება.

პრეზენტაციას თბილისის მერის მოადგილე კახა გულედანი,  საკრებულოს მაჟორიტარი დეპუტატი ირაკლი ხელაძე, ასევე, დედაქალაქის მერიის წარმომადგენლები და სხვადასხვა რაიონის გამგებლები ესწრებოდნენ", - ნათქვამია ინფორმაციაში.

ავტორი: NS (სტატია დაფინანსებულია),

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს