2023-12-05 15:37:50, 789 ნახვა
მსოფლიო
The Times Of Israel - საფრანგეთმა „ჰამასის“ ერთ-ერთი ლიდერის აქტივები 6 თვით გაყინა
საფრანგეთმა ტერორსტული ორგანიზაცია „ჰამასის“ ერთ-ერთი ლიდერის, იაჰია სინვარის აქტივები 6 თვით გაყინა. აღნიშნულის შესახებ ინფორმაციას The Times Of Israel-ი ავრცელებს.
The Times Of Israel-ის ცნობით, იაჰია სინვარის აქტივების გაყინვის ბრძანება საფრანგეთში 30 ნოემბერს ეკონომიკისა და ფინანსთა სამინისტრომ გამოსცა და ძალაში 5 დეკემბერს შევიდა.
გამოცემის ცნობითვე, სინვარი ისრაელზე 7 ოქტომბრის ტერორისტული თავდასხმის დამგეგმავად მიიჩნევა.
ცნობისთვის, იაჰია იბრაჰიმ ჰასან სინვარი ღაზას სექტორში ტერორსიტული დაჯგუფება "ჰამასის" ლიდერად 2017 წლის თებერვალში შიდა არჩევნების გზით აირჩიეს. ის ასევე ორგანიზაციის სამხედრო ფრთის ერთ-ერთი დამფუძნებელია.
ავტორი: ექსპრესნიუსი,
epn.ge (@expressnews.ge)
