2023-12-01 09:28:21, 872 ნახვა
მსოფლიო
IDF - „ჰამასმა“ წითელ ჯვარს 6 მძევალი გადასცა
ისრაელის თავდაცვის ძალების (IDF) ინფორმაციით, ტერორისტულმა დაჯგუფება "ჰამასმა" წითელ ჯვარს 6 მძევალი გადასცა. აღნიშნულის შესახებ ინფორმაციას BBC ავრცელებს.
IDF-ის ცნობით, მძევლები ახლა წითელი ჯვრის მეთვალყურეობის ქვეშ იმყოფებიან და ისრაელისკენ მიემართებიან.
"წითელი ჯვრის მიერ მოწოდებული ინფორმაციას მიხედვით, 6 ებრაელი მძევალი უკვე გადაჰყავთ ისრაელის ტერიტორიაზე", - ნათქვამია IDF-ის განცხადებაში.
ცნობისთვის, მას შემდეგ, რაც 24 ნოემბერს ისრაელსა და "ჰამასს" შორის ცეცხლის შეწყვეტის შეთანხმება ამოქმედდა, ტერორისტული დაჯგუფების მიერ 7 ოქტომბერს, ღაზას სექტორში გატაცებული მძევლების გათავისუფლების რამდენიმე რაუნდი შედგა, რის სანაცვლოდაც ისრაელმა პალესტინელი პატიმრები გაათავისუფლა.
ავტორი: ექსპრესნიუსი,
epn.ge (@expressnews.ge)
