"დიდი შვიდეულის" (G7) საგარეო საქმეთა მინისტრები მოუწოდებენ ტერორისტულ დაჯგუფება "ჰამასს", 7 ოქტომბერს, ისრაელიდან გატაცებული ადამიანები დაუყოვნებლივ და უპირობოდ გაათავისუფლოს.

G7-ის საგარეო უწყებების ხელმძღვანელების ერთობლივ განცხადებაში, რომელიც ამერიკის შეერთებული შტატების სახელმწიფო დეპარტამენტის ოფიციალურ გვერდზე გამოქვეყნდა, ასევე ნათქვამია, რომ კანადის, საფრანგეთის, გერმანიის, იტალიის, იაპონიის, დიდი ბრიტანეთის, აშშ-ის საგარეო საქმეთა მინისტრები და ევროკავშირის უმაღლესი წარმომადგენელი მხარს უჭერენ ღაზას სექტორში პაუზის გახანგრძლივებას.

"ჩვენ ხაზს ვუსვამთ ისრაელის უფლებას, დაიცვას საკუთარი თავი და ხალხი საერთაშორისო სამართლის შესაბამისად, რადგან ის ცდილობს, თავიდან აიცილოს 7 ოქტომბრის თავდასხმების გამეორება.

ჩვენ ვაფასებთ შეერთებული შტატების და რეგიონის ქვეყნების ხელმძღვანელობის, განსაკუთრებით კი კატარისა და ეგვიპტის ძალისხმევას ამჟამინდელი და მომავალი პაუზების უზრუნველსაყოფად. 

მხარს ვუჭერთ გაერთიანებული ერების ორგანიზაციის მნიშვნელოვან ძალისხმევას, პაუზის დროს ჰუმანიტარული დახმარების მიწოდების კოორდინაციისთვის.

მხარს ვუჭერთ მიმდინარე პაუზის გახანგრძლივებას და მომავალ ჰუმანიტარულ პაუზებს, რათა შესაძლებელი გახდეს მოსახლეობისთვის დახმარების მიწოდების დაჩქარება და ყველა მძევლის გათავისუფლება",- ნათქვამია "დიდი შვიდეულის" საგარეო საქმეთა მინისტრების ერთობლივ განცხადებაში.

ავტორი: ექსპრესნიუსი,

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება