2023-11-28 19:37:40, 731 ნახვა
მსოფლიო
სერგეი ლავროვის მიწვევის გამო, უკრაინის დელეგაცია სკოპიეში ეუთოს მინისტერიალს არ დაესწრება
რუსეთის საგარეო საქმეთა მინისტრის, სერგეი ლავროვის მიწვევის გამო, უკრაინის დელეგაცია სკოპიეში ეუთოს მინისტერიალს არ დაესწრება. ამის შესახებ ინფორმაციას უკრაინის საგარეო საქმეთა სამინისტრო ავრცელებს.
როგორც უკრაინის საგარეო უწყებაში აცხადებენ, უკრაინაში რუსეთის სრულმასშტაბური შეჭრის დაწყების შემდეგ რუსეთის დელეგაციის ეუთოს მინისტერიალზე ყოფნა მხოლოდ გააღრმავებს იმ კრიზისს, რომელიც რუსეთმა გამოიწვია.
"რუსეთმა შექმნა ეგზისტენციალური კრიზისი ეუთოში და ორგანიზაცია საკუთარი აგრესიის მძევლად გადააქცია", - ნათქვამია განცხადებაში.
ავტორი: ექსპრესნიუსი,
epn.ge (@expressnews.ge)
