მინდოდა აქ, ისრაელში ჩამოსვლა, რათა ჩემი თვალით მენახა იმ თავდასხმების საშინელება, რომელიც თქვენ 7 ოქტომბერს განიცადეთ,- ამის შესახებ ისრაელში ვიზიტით მყოფმა დიდი ბრიტანეთის საგარეო საქმეთა მინისტრმა, დევიდ კამერონმა განაცხადა.

კამერონი ისრაელის საგარეო საქმეთა მინისტრთან, ელი კოენთან ერთად, იმყოფებოდა კიბუც ბეერში, სადაც "ჰამასმა" 7 ოქტომბრის თავდასხმის დროს 130-ზე მეტი ადამიანი მოკლა.

დიდი ბრიტანეთის საგარეო საქმეთა მინისტრმა იმედი გამოთქვა, რომ მძევლების გასათავისუფლებლად საომარი მოქმედებები დროებით შეწყდება.

ცნობილია, რომ დღესვე კამერონი მძევლების ოჯახებსა და ისრაელელ პოლიტიკოსებს შეხვდება.

შეგახსენებთ, დიდი ბრიტანეთის საგარეო საქმეთა ახალი მინისტრი დევიდ კამერონი ისრაელში დღეს, 23 ნოემბერს ჩავიდა. აღსანიშნავია, რომ ეს კამერონის ისრაელში პირველი და ქვეყნის ფარგლებს გარეთ რიგით მეორე ვიზიტია მას შემდეგ, რაც მას პრემიერ-მინისტრმა, რიში სუნაკმა საგარეო საქმეთა მინისტრის პოსტი ჩააბარა. ისრაელამდე კამერონი უკრაინაში იმყოფებოდა.

ავტორი: ექსპრესნიუსი,

სოციალური ქსელები

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა