2023-11-11 13:46:59, 1638 ნახვა
ომი უკრაინაში
მედია - რუსეთმა კიევის მიმართულებით „ისკანდერის“ ტიპის ბალისტიკური რაკეტა გაუშვა
რუსეთმა დილით კიევის მიმართულებით „ისკანდერის“ ტიპის ბალისტიკური რაკეტა გაუშვა. ამის შესახებ კიევის საქალაქო ადმინისტრაციის უფროსმა, სერგეი პოპკომ განაცხადა.
როგორც პოპკო აღნიშნავს, რაკეტამ კიევამდე ვერ მიაღწია, რადგან საჰერო თავდაცვის ძალებმა ის დედაქალაქის მისადგომებთან გაანადგურეს.
აფეთქების ტალღამ ხუთი კერძო სახლი დააზიანა, დაშავებულების შესახებ ინფორმაცია არ გავრცელებულა.
„52-დღიანი ხანგრძლივი პაუზის შემდეგ, მტერმა კიევზე სარაკეტო თავდასხმები განაახლა! რაკეტამ კიევამდე ვერ მიაღწია, საჰაერო თავდაცვის ძალებმა და საშუალებებმა ის დედაქალაქის მისადგომებთან გაანადგურეს“, - განაცხადა პოპკომ.
ავტორი: ექსპრესნიუსი,
epn.ge (@expressnews.ge)
