2023-11-02 16:30:15, 921 ნახვა
საზოგადოება
Red Wings სამარადან თბილისის მიმართულებით ფრენების დაწყებას გეგმავს
Red Wings Airlines-ი 16 ნოემბრიდან სამარადან თბილისის მიმართულებით ყოველკვირეულ ფრენებს დაიწყებს. ამის შესახებ ინფორმაციას რუსული სამთავრობო მედია TASS სამარას საერთაშორისო აეროპორტის პრესსამსახურზე დაყრდნობით ავრცელებს.
როგორც TASS წერს, ფრენები Sukhoi Superjet-ის 100-ადგილიანი თვითმფრინავით განხორციელდება.
„16 ნოემბრიდან Red Wings Airlines-ი გეგმავს ყოველკვირეულ ფრენებს საქართველოს დედაქალაქში. ფრენები დაგეგმილია ხუთშაბათობით. ფრენის ხანგრძლივობაა 2 საათი 45 წუთი",- ნათქვამია აეროპორტის პრესსამსახურის ინფორმაციაში.
ავტორი: ექსპრესნიუსი,
epn.ge (@expressnews.ge)
