კახა კალაძე სუს-ის გამოძიებასთან დაკავშირებით - ვფიქრობ, ყველაფერი ცხადია - ჩვენ ვისმენთ პირდაპირ მოწოდებებს გადატრიალებასთან და რევოლუციასთან დაკავშირებით

2023-10-20 21:42:12, 632 ნახვა

პოლიტიკა

დედაქალაქის მერის, კახა კალაძის განცხადებით, გარკვეულ ძალებს აქვთ მცდელობა, ქვეყანაში მოხდეს გადატრიალება და ამის კონკრეტული ფაქტებიც არსებობს. ამის შესახებ თბილისის მერმა, კახა კალაძემ განაცხადა.

მისივე თქმით, საქართველოს ხელისუფლება ამას არ დაუშვებს.

„ვფიქრობ, ყველაფერი ცხადია. ჩვენ ვისმენთ პირდაპირ მოწოდებებს გადატრიალებასთან და რევოლუციასთან დაკავშირებით, ასევე, მოვისმინეთ ვიდეოჩანაწერი, სადაც პირდაპირ ტრენინგი მიმდინარეობდა, როგორ უნდა მოეწყოს რევოლუცია, მოხდეს სახელმწიფო ინსტიტუტების ბლოკირება და ა.შ. ეს ერთი პატარა მაგალითია იმისა, რომ ამ მიმართულებით გარკვეული ბნელი ძალები მუშაობენ. ყოველ შემთხვევაში აქვთ მცდელობა, რომ ქვეყანაში მოხდეს გადატრიალება, დაამხონ ხელისუფლება ყველანაირი მეთოდით. ყველაფერზე წამსვლელები არიან, მაგრამ ჩვენ არავის მივცემთ იმის შესაძლებლობას, რომ ქვეყანაში მოაწყონ არეულობა, გადატრიალება, რევოლუცია, სისხლისღვრა და ა.შ.“, - განაცხადა კახა კალაძემ.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),