საკონსტიტუციო სასამართლომ მიიღო ძალზე მნიშვნელოვანი გადაწყვეტილება. კონსტიტუციის დარღვევის დადგენასთან ერთად, არანაკლებ მნიშვნელოვანი იყო ის, რომ საქართველოს საკონსტიტუციო სასამართლომ ქვეყანას შეუნარჩუნა კონსტიტუცია და საპარლამენტო მმართველობის სისტემა, - განაცხადა „ქართული ოცნების“ თავმჯდომარემ, უმრავლესობის ლიდერმა ირაკლი კობახიძემ პარლამენტის პლენარულ სხდომაზე. 

როგორც კობახიძემ აღნიშნა, საქართველოს საკონსტიტუციო სასამართლომ ძალიან მარტივი კაზუსი ამოხსნა.

მისივე თქმით, "პრეზიდენტი ყოველგვარი არგუმენტების გარეშე, პირდაპირ თავს დაესხა საქართველოს საკონსტიტუციო სასამართლოს, გამოიყენა უხეში ტერმინები, სირცხვილია და ა.შ. უფრო მეტიც, დეპუტატების მიმართ პირდაპირ იუზრდელა".

„რაც შეეხება კონსტიტუციის დარღვევას, საქართველოს საკონსტიტუციო სასამართლოს მიერ ძალიან მარტივი კაზუსი ამოიხსნა. კონსტიტუციის 52-ე  მუხლის მიხედვით, ვიზიტების განხორციელების დროს პრეზიდენტს სჭირდება მთავრობის თანხმობა, მან ითხოვა თანხმობა, ვერ მიიღო, მაინც წავიდა, დაარღვია კონსტიტუცია. ეს არის უმარტივესი კაზუსი, რაც ამოხსნა საკონსტიტუციო სასამართლომ, სხვანაირად კეთილსინდისიერი იურისტი უბრალოდ ვერ გააკეთებს, რომელიც საკუთარ პროფესიას პატივს სცემს. კაზუსის სიმარტივის მიუხედავად, ჩვენ არაფრის იმედი აღარ გვაქვს სალომე ზურაბიშვილისგან, მაგრამ, აქ შეიძლება  ნაკლები ეკადრა, გამოვიდა და პირდაპირ თავს დაესხა საქართველოს საკონსტიტუციო სასამართლოს, ყოველგვარი არგუმენტების გარეშე. არც ერთი არგუმენტი არ უთქვამს იმასთან დაკავშირებით, თუ რა არ მოეწონა კონკრეტულად საკონსტიტუციო სასამართლოს გადაწყვეტილებაში და გამოიყენა უხეში ტერმინები, სირცხვილია და ა.შ. უფრო მეტიც, დეპუტატების მიმართ ამ ქალბატონმა პირდაპირ იუზრდელა. ეს არის შეგახსენებთ, ჯერ კიდევ საქართველოს პრეზიდენტად წოდებული თანამდებობის პირი და ის  უზრდელობს. როგორ შეიძლება, საქართველოს პრეზიდენტი, რომელიც ზეპარტიული უნდა იყოს კონსტიტუციის მიხედვით, ნეიტრალური უნდა იყოს, უზრდელობდეს. ეს უბრალოდ წარმოუდგენელია მაგრამ ესეც მისი პრობლემა და საქმეა“, - განაცხადა ირაკლი კობახიძემ.

ავტორი: NS (სტატია დაფინანსებულია),

სოციალური ქსელები

თიბისი კაპიტალმა მაკროეკონომიკური განახლება გამოაქვეყნა

გაინტერესებს როგორ დააგროვო PLUS ქულები საქართველოს ბანკის ტერმინალით გადახდისას?

კაცს, რომელმაც რომელმაც ვერაზე 4 პირი დაჭრა, 20 წლამდე ან უვადო პატიმრობა ემუქრება

პროკურატურა ონისე ოქრიაშვილზე თავდამსხმელის 5 000-ლარიანი გირაოთი გათავისუფლებას მოითხოვს