ქობულეთის მეორე საჯარო სკოლაში ქართული ენის მასწავლებელმა მოსწავლეზე ფიზიკურად იძალადა, კერძოდ, მან მოსწავლეს თმაზე მოქაჩა, ფაქტის ამსახველი ვიდეომასალა კი, მოსწავლეებმა სოციალურ ქსელში გაავრცელეს. ამის შესახებ ინფორმაციას TV25 ავრცელებს. 

სკოლის დირექტორმა, ნანი ცივაძემ გამოცემა "ბათუმელებთან" საუბრისას მომხდარი ფაქტი დაადასტურა და აღნიშნა, რომ მას შემდეგ, რაც სკოლამ მოკვლევა დაიწყო, მასწავლებელმა სკოლა საკუთარი განცხადების საფუძველზე დატოვა.

"ორი კვირის წინ იყო ინციდენტი, საგაკვეთილო პროცესში ქართულის გაკვეთილზე მასწავლებელმა თმა მოქაჩა მოსწავლეს და როგორც კი ეს ფაქტი ცნობილი გახდა, დაიწყო დისციპლინური მოკვლევა, მასწავლებელმა მოკვლევის დაწყებისთანავე დაწერა განცხადება და საკუთარი სურვილით წავიდა სკოლიდან", - განუცხადა სკოლის დირექტორმა გამოცემა "ბათუმელებს".

TV25-ს მანდატურის სამსახურში უთხრეს, რომ ფიზიკური შეურაცხყოფის ფაქტზე შედგა დარღვევის აღრიცხვის ფურცელი, მოსწავლეს კი ფსიქოსოციალური მომსახურება შესთავაზეს.

ავტორი: ექსპრესნიუსი,

სოციალური ქსელები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა