2023-10-12 17:16:21, 776 ნახვა
მსოფლიო
იორდანია ღაზას სექტორში სამედიცინო აღჭურვილობით დატვირთულ თვითმფრინავს აგზავნის
თვითმფრინავი, რომელიც მედიკამენტებსა და სხვა სამედიცინო აღჭურვილობას ატარებდა, იორდანიიდან ღაზას სექტორისკენ დღეს გაფრინდა. ამის შესახებ ინფორმაციას იორდანიის ჰაშემიტური სამეფოს საქველმოქმედო ორგანიზაცია ავრცელებს.
იორდანიის ხელისუფლების გენერალური მდივნის, ჰუსეინ ალ-შიბლის განცხადებით, დახმარება განკუთვნილია ჯანდაცვის იმ სააგენტოებისთვის, რომლებიც პალესტინის ტერიტორიაზე მოქმედებენ.
ცნობილია, რომ დახმარება ჯერ ეგვიპტეში ჩავა, შემდეგ კი ღაზას სამედიცინო დაწესებულებებს, რაფაჰის სასაზღვრო პუნქტის გავლით გადაეცემა.
ცნობისთვის, ღაზას სექტორიდან ეგვიპტესთან დამაკავშირებელი ერთადერთი საკონტროლო-გამშვები პუნქტი 10 ოქტომბერს დაიკეტა.
ავტორი: ექსპრესნიუსი,
epn.ge (@expressnews.ge)
