ქედაში პოეტ გურამ არძენაძის შემოქმედებითი საღამო გაიმართა

2023-10-06 09:50:05, 1294 ნახვა

რეგიონი

ქედის კულტურის ცენტრის საბიბლიოთეკო განყოფილებაში პოეტ გურამ არძენაძის შემოქმედებითი საღამო გაიმართა.

ქედის მუნიციპალიტეტის მერიის ცნობით, შემოქმედებით საღამოში კულტურის ცენტრთან არსებული სასოფლო კლუბებისა და კულტურის სახლების ხელმძღვანელები მონაწილეობდნენ.

"ღონისძიებას მუსიკალურად კულტურის ცენტრთან არსებული ვაჟთა ფოლკლორული ანსამბლი "ელესა" აფორმებდა.

ღონისძიებას ქედის მუნიციპალიტეტის საკრებულოს წევრი ოთარ ხარაძე, განათლების, კულტურის, ტურიზმის, სპორტის, ძეგლთა დაცვისა და ახალგაზრდულ საქმეთა სამსახურის უფროსი ეკატერინე ქაჯაია, ადგილობრივი თვითმმართველობის, რესურცენტრისა და საზოგადოების აქტიური წარმომადგენლები ესწრებოდნენ

გურამ არძენაძე 1942 წლის 30 მარტს სოფელ დანდალოში დაიბადა. 1962-1965 წლებში ბათუმის პედაგოგიური ინსტიტუტი დაასრულა. ქედისა და შუახევის მუნიციპალიტეტის 7 საჯარო სკოლაში ლიტერატურას ასწავლიდა. მიღებული აქვს მრავალი ჯილდო და სიგელი. პოეტის ლექსები სხვადასხვა ქართულ ჟურნალ-გაზეთებში იბეჭდებოდა. აქვს სკოლაში მუშაობის 50-წლიანი გამოცდილება",- ნათქვამია მერიის ინფორმაციაში.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),