2023-09-26 23:50:02, 817 ნახვა
საზოგადოება
საბურთალოს რაიონში, ბახტრიონის ქუჩაზე საფარი დაზიანდა - საავტომობილო მოძრაობა ცალმხრივად შეიზღუდა
საბურთალოს რაიონში, ბახტრიონის ქუჩა N30-ის მიმდებარედ გზის საფარი დაზიანდა, რის გამოც, 23:00 საათიდან საავტომობილო მოძრაობა ცალმხრივად შეიზღუდება. ამის შესახებ ინფორმაციას თბილისის მერია ავრცელებს.
თბილისის მერიის ინფორმაციის თანახმად, შეზღუდვა ბახტრიონის ქუჩიდან ჭაბუა ამირეჯიბის გზატკეცილზე არსებული გვირაბის მიმართულებით მოძრავ ავტომანქანებს შეეხება.
"გზის საფარი უახლოეს დღეებში აღდგება. თბილისის მერია ბოდიშს გიხდით შექმნილი დისკომფორტის გამო!", - ნათქვამია ინფორმაციაში.
ავტორი: ექსპრესნიუსი,
epn.ge (@expressnews.ge)
